നമ്മുടെ മലയാളഭാഷയ്ക്ക് പ്രത്യേകമായ സൗരഭ്യവും സൗന്ദര്യവുമുണ്ട്. ആധുനികതയുടെ പ്രസരിപ്പില്‍ പാശ്ചാത്യസംസ്‌കാരത്തിലും ഭാഷകളിലും മതിമറന്നുല്ലസിക്കുന്ന മലയാളി സ്വന്തംഭാഷയുടെ സൗന്ദര്യത്തെ വിസ്മരിക്കുകയാണ്. അതിനിടയില്‍, സ്വകാര്യ സര്‍ക്കാര്‍ ഭേദമന്യേ എല്ലാ സ്‌കൂളുകളിലും എല്ലാ സിലബസിലും പത്താംക്ലാസ്‌വരെ മലയാളപഠനം നിര്‍ബന്ധമാക്കിയ ഉത്തരവ് തികച്ചും പ്രശംസനീയമാണ്.
മലയാളഭാഷയെ സംരക്ഷിക്കുന്നതിന് അനിവാര്യമായ ഇത്തരത്തിലുള്ള നിയമങ്ങളും നടപടികളും ദൈവത്തിന്റെ നാടിനു നന്മവരുത്തും. അവഗണനക്കിടയില്‍ മലയാളഭാഷയുടെ പുനര്‍ജന്മമാവട്ടെയെന്നു പ്രത്യാശിക്കുകയാണു ഭാഷാപ്രേമികള്‍.