കണ്ണൂര്‍: കണ്ണൂര്‍ സര്‍വകലാശാലക്ക് കീഴിലെ കോളജുകളിലേക്കുള്ള ബിരുദ ഏകജാലക പ്രവേശനത്തിനുള്ള മൂന്നാം അലോട്ട്‌മെന്റ് പ്രസിദ്ധീകരിച്ചു.
അലോട്ട്‌മെന്റ് ലഭിച്ച അപേക്ഷകര്‍ സര്‍വകലാശാലാ ഫീസ് എസ്.ബി.ഐ കലക്ട് മുഖേന മാത്രം അടച്ച് ഫീസടച്ച വിവരങ്ങള്‍ വെബ്‌സൈറ്റില്‍ ലോഗിന്‍ ചെയ്ത് അപ്‌ലോഡ് ചെയ്യണം. അല്ലാത്തപക്ഷം ലഭിച്ച അലോട്ട്‌മെന്റ് റദ്ദാക്കും. ഒന്ന്, രണ്ട് അലോട്ട്‌മെന്റുകളില്‍ അലോട്ട്‌മെന്റ് ലഭിച്ച് ഫീസടച്ച് വിവരങ്ങള്‍ അപ്‌ലോഡ് ചെയ്ത വിദ്യാര്‍ഥികള്‍ വീണ്ടും ഫീസ് അടക്കേണ്ടതില്ല. അലോട്ട്‌മെന്റ് മെമ്മോ വെബ്‌സൈറ്റില്‍നിന്ന് ഡൗണ്‍ലോഡ് ചെയ്ത് ആവശ്യമായ രേഖകള്‍ സഹിതം അതാത് കോളജില്‍ പ്രവേശനം നേടണം.സയന്‍സ് വിഷയങ്ങള്‍ക്ക് ഇന്നും നാളെയും കൊമേഴ്‌സ് വിഷയങ്ങള്‍ക്കു 28നും ആര്‍ട്‌സ്, ലാന്‍ഗ്വേജ് വിഷയങ്ങള്‍ക്ക് 29, 30 തിയതികളിലുമാണു പ്രവേശനത്തിനായി കോളജുകളില്‍ ഹാജരാകേണ്ടത്. ഫോണ്‍: 0497 2715261, 2715284, 9446382340.