കല്‍പ്പറ്റ: ജില്ലാ ലീഗല്‍ സര്‍വിസസ് അതോറിറ്റിയുടെ നേതൃത്വത്തില്‍ കല്‍പ്പറ്റ, മാനന്തവാടി, സുല്‍ത്താന്‍ ബത്തേരി കോടതികളില്‍ നടന്ന നാഷനല്‍ ലോക് അദാലത്തില്‍ 204 പരാതികള്‍ തീര്‍പ്പാക്കിയതായി സെക്രട്ടറി അറിയിച്ചു. 53,41,550 രൂപക്കുള്ള ഒത്തുതീര്‍പ്പാണ് മധ്യസ്ഥതയിലൂടെ നടന്നത്. അദാലത്തില്‍ 681 പരാതികളാണ് പരിഗണിച്ചത്.
കോടതികളില്‍ നിലവിലുള്ളതും കക്ഷികള്‍ നേരിട്ട് ലീഗല്‍ സര്‍വിസസ് അതോറിറ്റി ഓഫിസുകളില്‍ ഫയല്‍ ചെയ്തതുമായ പരാതികളാണ് ഉള്‍പ്പെടുത്തിയത്. അടുത്ത അദാലത്ത് ജൂണ്‍ 10ന് നടത്തുമെന്നും സെക്രട്ടറി അറിയിച്ചു.