ബെര്‍ലിന്‍: ടീം ബസ്സിന് നേരെയുള്ള ആക്രമണത്തില്‍ പരുക്കേറ്റ ബൊറൂസിയ ഡോര്‍ട്മുണ്ട് താരം മാര്‍ക് ബാര്‍ത്ര സുഖം പ്രാപിച്ചു വരികയാണെന്ന് ടീം അധികൃതര്‍, കഴിഞ്ഞ ദിവസത്തിന് പരുക്കേറ്റ താരത്തിന് കൈയ്ക്ക് ശസ്ത്രക്രിയ നടത്തിയതായി ടീം സ്ഥിരീകരിച്ചു.
സംഭവത്തില്‍ പരുക്കേറ്റ ഏക താരം ബാര്‍ത്ര മാത്രമാണ്. അതേസമയം കേസില്‍ പൊലിസ് അന്വേഷണം ഊര്‍ജിതപ്പെടുത്തിയിട്ടുണ്ട്. ഏതു തരം സ്‌ഫോടക വസ്തുക്കളാണ് സ്‌ഫോടനത്തിന് ഉപയോഗിച്ചതെന്ന് കണ്ടെത്താന്‍ പൊലിസിന് സാധിച്ചിട്ടില്ല. എന്നാല്‍ ഇത് മാരകമായ പ്രഹരശേഷിയുള്ളതാണ് പൊലിസ് വ്യക്തമാക്കിയിട്ടുണ്ട്. കാര്‍ പാര്‍ക്കിങിന് സമീപമാണ് ഇത് സ്ഥാപിച്ചിരുന്നത്.