ചെറുതുരുത്തി: ദബൈയിയിലെ അല്‍ ഐനില്‍ ഹൃദയാഘാതം മൂലം മരിച്ച ദേശമംഗലം പള്ളം സ്വദേശിയുടെ മൃതദേഹം നാട്ടിലെത്തിച്ച് ഖബറടക്കി. ദേശമംഗലം പള്ളം ആറ്റുപുറം എസ്റ്റേറ്റ് പടി നമ്പ്രത്ത് പുത്തന്‍പീടികയില്‍ രായിന്റെ (46) മൃതദേഹമാണ് ഇന്നലെ പള്ളീ തഖ്വ ജുമാ മസ്ജിദ് കബര്‍സ്ഥാനില്‍ കബറടക്കിയത്.
ചെറിയ പെരുന്നാള്‍ ദിനമായ ബുധനാഴ്ചയാണ് അല്‍ ഐനിലെ അല്‍ ജിമിസര്‍ക്കാര്‍ മെഡിക്കല്‍ കോളജില്‍ വെച്ച് രായിന്‍ മരണമടഞ്ഞത്.
അല്‍ ഐനിലെ ഫാസ്റ്റ് ഫുഡ് കടയിലെ ജീവനക്കാരനായിരുന്നു രായിന്‍.
കടുത്ത നെഞ്ച് വേദന അനുഭവപ്പെട്ടതിനെ തുടര്‍ന്ന് സഹപ്രവര്‍ത്തകര്‍ ചേര്‍ന്നാണ് ആശുപത്രിയില്‍ പ്രവേശിപ്പിച്ചത്. പെരുന്നാള്‍ അവധിയായതിനാല്‍ മൃതദേഹം നാട്ടിലെത്തിക്കാനും വൈകി.
ഇന്നലെ പുലര്‍ച്ചെ നെടുമ്പാശ്ശേരി വിമാനതാവളത്തിലെത്തിച്ച മൃതദേഹം പത്ത് മണിയോടെയാണ് രായിന്റെ വസതിയിലെത്തിച്ചത്.
മാതാവ്: നബീസ. ഭാര്യ: റാഫിയ. മക്കള്‍: റിസ്വാന, അബൂബക്കര്‍, മുഹമ്മദ് അമീന്‍.