ന്യൂഡല്‍ഹി: കിഴക്കന്‍ ഉത്തര്‍പ്രദേശിന്റെ ചുമതലയുള്ള എ.ഐ.സി.സി ജനറല്‍ സെക്രട്ടറി പ്രിയങ്കാഗാന്ധിയുടെ തെരഞ്ഞെടുപ്പ് പ്രചാരണം ഇന്നു തുടങ്ങും.
പ്രഥമ പ്രധാനമന്ത്രിയും മുതുമുത്തച്ഛനുമായ ജവഹര്‍ലാല്‍ നെഹ്‌റുവിന്റെ ജന്‍മസ്ഥലമായ അലഹബാദില്‍ വച്ചാവും സംസ്ഥാനത്തെ തെരഞ്ഞെടുപ്പ് പ്രചാരണത്തിന് അവര്‍ തുടക്കംകുറിക്കുക.
നെഹ്‌റുവിന്റെ ജന്മവീടായ ആനന്ദ് ഭവനും പ്രിയങ്ക സന്ദര്‍ശിക്കും. തുടര്‍ന്ന് പ്രധാനമന്ത്രി നരേന്ദ്രമോദിയുടെ മണ്ഡലമായ വരാണസിയിലെത്തും.
വരാണസിയിലെ കാശി വിശ്വനാഥ് ക്ഷേത്രവും അവര്‍ സന്ദര്‍ശിക്കും.
പ്രിയങ്കയുടെ പ്രചാരണ പരിപാടികള്‍ക്ക് അന്തിമരൂപം നല്‍കിയതായി സംസ്ഥാന ഘടകം കോണ്‍ഗ്രസ് അധ്യക്ഷന്‍ രാജ് ബബ്ബാര്‍ അറിയിച്ചു.