ചെര്‍ക്കള: വീട്ടുപറമ്പില്‍ നിന്നു ചന്ദനമരം മുറിച്ചു കടത്തി. ചെര്‍ക്കള കവലയിലെ  മില്‍മാ ബൂത്ത് എജന്റ് മുഹമ്മദ് ശാഫിയുടെ വീട്ടുപറമ്പില്‍ നിന്നാണ് പതിനഞ്ചു വര്‍ഷം പ്രായമുള്ള ചന്ദനമരം മുറിച്ചു കടത്തിയത്. അഞ്ചു ദിവസമായി മുഹമ്മദ് ശാഫിയും കുടുംബവും വീട് പൂട്ടി ബന്ധു വീട്ടില്‍ പോയിരിക്കുകയായിരുന്നു. ഇന്നലെ രാവിലെ തിരിച്ചെത്തിയപ്പോഴാണ്  വീടിന്റെ അടുക്കള ഭാഗത്തോട് ചേര്‍ന്നു കിടക്കുന്ന പറമ്പില്‍ നിന്നു ചന്ദനമരം മുറിച്ചത് ശ്രദ്ധയില്‍ പെട്ടത്. ഏതാനും മാസമായി വീട്ടുപറമ്പിലുള്ള ചന്ദന മരം തങ്ങള്‍ക്ക് വില്‍പന നടത്തുകയാണെങ്കില്‍  പത്തായിരം രൂപ നല്‍കാമെന്ന് പറഞ്ഞ് ഒരു സംഘം നിരന്തരം മുഹമ്മദ് ശാഫിയെ സമീപിച്ചതായി പറയുന്നു.