ബെര്‍ലിന്‍: ബൊറൂസിയ ഡോര്‍ട്ട്മുണ്ട് ഫുട്‌ബോള്‍ ടീമിനുനേരെ നടന്ന ബോംബാക്രമണത്തില്‍ ഒരാള്‍ പിടിയില്‍. ഭീകരസംഘങ്ങളുമായി ബന്ധമുള്ളയാളാണ് പിടിയിലായത്. ആക്രമണത്തിനു പിന്നില്‍ ഭീകര ഇടപെടലുണ്ടായിട്ടുണ്ടോയെന്ന് ജര്‍മന്‍ പൊലിസ് അന്വേഷിച്ചുവരികയാണ്. ചൊവ്വാഴ്ച വൈകിട്ടാണ് ഫുട്‌ബോള്‍ ടീം സഞ്ചരിച്ച ബസിനുനേരെ ബോംബാക്രമണമുണ്ടായത്. സംഭവത്തില്‍ ഒരു കളിക്കാരനു പരുക്കേല്‍ക്കുകയും ബസിന്റെ ചില്ലുകള്‍ തകരുകയും ചെയ്തു. ചാംപ്യന്‍സ് ലീഗില്‍ മൊണാക്കോക്കെതിരേയുള്ള മത്സരത്തില്‍ പങ്കെടുക്കാനായി പോകുമ്പോഴാണ് ആക്രമണമുണ്ടായത്.