വെള്ളനാട്: ജി. കാര്‍ത്തികേയന്‍ സ്മാരക ഗവ. വി.ആന്‍ഡ് എച്ച്.എസ്.എസില്‍ യു.പി വിഭാഗത്തില്‍ പുതുതായി നിര്‍മിച്ച സ്‌കൂള്‍ കെട്ടിടം ജില്ലാ പഞ്ചായത്ത് പ്രസിഡന്റ് വി.കെ മധു ഉദ്ഘാടനം ചെയ്തു. കംപ്യൂട്ടര്‍ ലാബിന്റെ ഉദ്ഘാടനം ജില്ലാ പഞ്ചായത്തംഗം എല്‍.പി മായാദേവി നിര്‍വഹിച്ചു.
പി.ടി.എ പ്രസിഡന്റ് ടി.ഒ ശ്രീകുമാര്‍ അധ്യക്ഷനായി. പഞ്ചായത്ത് ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ വെള്ളനാട് ശ്രീകണ്ഠന്‍, ബ്ലോക്ക് പഞ്ചായത്തംഗം സി.ജ്യോതിഷ് കുമാര്‍, വാര്‍ഡ് അംഗം എസ്. ഗിരിജകുമാരി, ഹെഡ്മിസ്ട്രസ് ജയകുമാരി, പ്രിന്‍സിപ്പല്‍മാരായ ശ്രീനീവാസന്‍, പ്രവീണ്‍ പ്രകാശ്, സ്റ്റാഫ് സെക്രട്ടറി ബേബിജോണ്‍ പ്രസംഗിച്ചു.