കോഴിക്കോട്: എന്‍ഫ കുട്ടി ഫുട്‌ബോള്‍  ടൂര്‍ണമെന്റില്‍ റിയല്‍ ഷൂട്ടേഴ്‌സ് കൊയിലാണ്ടി ചാംപ്യന്‍മാരായി. നൈനാംവളപ്പ് കോതി മിനി സ്റ്റേഡിയത്തില്‍ നടന്ന ഫൈനല്‍ മത്സരത്തില്‍ ഏകപക്ഷീയമായ ഒരു ഗോളിനാണ് മുന്‍ ചാംപ്യന്‍മാരായ ന്യൂസോക്കര്‍ ഫറൂഖ് കോളജിനെ പരാജയപ്പെടുത്തിയത്.  24 ടീമുകളാണ് ടൂര്‍ണമെന്റില്‍ പങ്കെടുത്തത്. കെ.ഡി.എഫ്.എ കുവൈത്തിന്റെ സഹകരണത്തോടെയാണ് മൂന്ന് ദിവസത്തെ ടൂര്‍ണമെന്റ് സംഘടിപ്പിച്ചത്.
  റിയല്‍ ഷൂട്ടേഴ്‌സ് കൊയിലാണ്ടിയുടെ നിധിന്‍ലാലിനെ മികച്ച കളിക്കാരനായും ന്യൂ സോക്കര്‍ ഫറൂഖ് കോളജിന്റെ ഫവാസ് ബെസ്റ്റ് ഗോള്‍കീപ്പറായും ക്രസന്റ് ഫുട്‌ബോള്‍ അക്കാദമി  കോഴിക്കോടിന്റെ അശ്വിനെ ടോപ്‌സ്‌കോററുമായും തിരഞ്ഞെടുത്തു. വാര്‍ഡ് കൗണ്‍സിലര്‍ സി. അബ്ദുറഹിമാന്‍ ടൂര്‍ണമെന്റ്  ഉദ്ഘാടനം ചെയ്തു.  ചെമ്മങ്ങാട് എസ്.ഐ സീത. വി മുഖ്യാഥിതിയായിരുന്നു.
ഭാസി  മലാപ്പറമ്പ് സമ്മാനദാനം നിര്‍വഹിച്ചു.  ടൗണ്‍ സി.ഐ പി.എം മനോജ് കളിക്കാരുമായി പരിചയപ്പെട്ടു.  ടി.വി കുഞ്ഞായിന്‍ കോയ, പി.ടി ആസാദ്, എന്‍.വി സുബൈര്‍ സംസാരിച്ചു.  മുജീബ്  റഹിമാന്‍, ടി.വി മാമുകോയ, എന്‍.വി അബ്ദു നേതൃത്വം നല്‍കി.