കോഴിക്കോട്: 12 ലിറ്റര്‍ വാറ്റ്ചാരായവുമായി യുവാവ് എക്‌സൈസ് പിടിയില്‍. പന്തീരങ്കാവ് പയ്യടിത്താഴം മണ്ണാറക്കോത്ത് വീട്ടില്‍ കണ്ടന്‍കുട്ടിയുടെ മകന്‍ ബിജുവിനെ(32) യാണ് ചാരായം കടത്താനുപയോഗിച്ച സുസുക്കി ആക്‌സസ് സ്‌കൂട്ടര്‍ സഹിതം ഫറോക്ക് റെയ്ഞ്ച് എക്‌സൈസ് ഇന്‍സ്‌പെക്ടര്‍ ആര്‍.പി പീതാംബരന്റെ നേതൃത്വത്തിലുള്ള സംഘം പിടികൂടിയത്.    ഫറോക്ക് റെയ്ഞ്ച് പരിധിയില്‍ വിദേശ മദ്യശാലകള്‍ പൂട്ടിയ സാഹചര്യത്തില്‍ വ്യജവാറ്റ് വര്‍ധിക്കാന്‍ സാധ്യതയുണ്ടെന്ന രഹസ്യവിവരത്തിന്റെ അടിസ്ഥാനത്തില്‍ എക്‌സൈസ് സംഘം ജാഗ്രത പുലര്‍ത്തി വരികയായിരുന്നു. പ്രതിക്ക് ചാരായം വാറ്റുന്നതിനുള്ള സഹായം ചെയ്തുകൊടുത്തവരെക്കകുറിച്ച് എക്‌സൈസ് അന്വേഷണം നടത്തിവരികയാണ്.      പ്രിവന്റിവ് ഓഫിസര്‍ സി.കെ സതീശന്‍, ബി. യുഗേഷ്, സിവില്‍ എക്‌സൈസ് ഓഫിസര്‍മാരായ ആഷ്‌കുമാര്‍, ജലാലുദ്ദീന്‍ എന്‍, ആര്‍. രഞ്ജിത്ത്, എം.കെ നിഷാന്ത്, സി.എം വിചിത്രന്‍, വി.എം മുഹമ്മദ് അസ്‌ലം, വി.കെ രൂപേഷ്,  എക്‌സൈസ് ഡ്രൈവര്‍ അനില്‍കുമാര്‍ എം.എന്‍ എന്നിവരും സംഘത്തിലുണ്ടായിരുന്നു.