ന്യൂ ഡല്‍ഹി: കേരളത്തില്‍ നിന്നുള്ള കോണ്‍ഗ്രസ് സ്ഥാനാര്‍ഥിപ്പട്ടികയില്‍ പ്രമുഖ നേതാക്കള്‍ ഉണ്ടാകില്ലെന്ന് ഉറപ്പായി. ഉമ്മന്‍ ചാണ്ടി, മുല്ലപ്പള്ളി രാമചന്ദ്രന്‍, കെ.സി വേണുഗോപാല്‍ എന്നിവരൊന്നും മത്സരിക്കില്ലെന്നാണ് പ്രതിപക്ഷ നേതാവ് രമേശ് ചെന്നിത്തലയും കെ.പി.സിസി പ്രസിഡന്റ് മുല്ലപ്പള്ളി രാമചന്ദ്രനും മാധ്യങ്ങളോട് പറഞ്ഞു.

കെ.പി.സി.സി പ്രസിഡന്റിന് ഒരു മണ്ഡലത്തില്‍ കേന്ദ്രീകരിച്ചു പ്രവര്‍ത്തിക്കാന്‍ സാധിക്കില്ല. കെ.സി വേണുഗോപാലിന് ഡല്‍ഹിയില്‍ സംഘടനാ തിരക്കുകളുണ്ട്. ഉമ്മന്‍ചാണ്ടിയുടെ കാര്യത്തിലും ഇതു തന്നെയാണ് അവസ്ഥ. അദ്ദേഹം കേരള രാഷ്ട്രീയത്തിലാണ് കേന്ദ്രീകരിച്ചിട്ടുള്ളത്. എന്തായാലും ഇന്നു തന്നെ വൈകുന്നേരത്തോടെ സ്ഥാനാര്‍ഥി പട്ടിക പുറത്തുവിടുമെന്നും ഇരുവരും പറഞ്ഞു.

മിടുക്കന്‍മാരും മിടുക്കികളുമാണ് സ്ഥാനാര്‍ഥിപ്പട്ടികയിലുണ്ടാകുക. കേരളം യു.ഡി.എഫിന് ഏറെ അനുകൂലമാണെന്നും കോണ്‍ഗ്രസും യു.ഡി.എഫും മികച്ച വിജയം നേടുമെന്നും അവര്‍ അറിയിച്ചു.