കുറ്റ്യാടി: കേരളക്കരയില്‍ മുസ്‌ലിം സമുദായത്തെ തീവ്രവാദികളുടെ ആലയില്‍കെട്ടാന്‍ ശ്രമിക്കുന്നവര്‍ക്കെതിരേ എസ്.കെ.എസ്.എസ്.എഫ് നടത്തുന്ന തീവ്രവാദവിരുദ്ധ പോരാട്ടം വരുംകാലങ്ങളിലും ശക്തമായി തുടരുമെന്ന് എസ്.കെ.എസ്.എസ്.എഫ് ജില്ലാ പ്രസിഡന്റ് സയ്യിദ് മുബശ്ശിര്‍ തങ്ങള്‍ ജമലുല്ലൈലി എസ്.കെ.എസ്.എസ്.എഫ് പുത്തലത്ത് ശാഖ കമ്മിറ്റി സംഘടിപ്പിച്ച നസീറുദ്ധീന്‍ രണ്ടാം അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
എ.കെ സുബൈര്‍ മൗലവി അധ്യക്ഷനായി. സംസ്ഥാന ട്രഷറര്‍ ബഷീര്‍ ഫൈസി ദേശമംഗലം മുഖ്യപ്രഭാഷണം നടത്തി. ടി.വി.സി അബ്ദുസമദ് ഫൈസി മജ്‌ലിസുന്നൂറിന് നേതൃത്വം നല്‍കി. ഒ.കെ മുസ്തഫ ദാരിമി, കെ അഹമദ് ഹാജി, അലിമൗലവി കബ്ലക്കാട്, സൂപ്പി മുന്‍ഷി, കെ.പി അസീസ്ഹാജി, പി. ബഷീര്‍ഹാജി, ആസിഫ് അനന്തോത്ത്, പി.കെ മുഹമ്മദ് യൂനുസ്, കെ.ടി മുഹമ്മദ് സംസാരിച്ചു.