ദമാം: സഊദിയിൽ കോവിഡ് വൈറസ് ബാധയേറ്റ് ഒരു ഇന്ത്യക്കാരൻ കൂടി മരണപ്പെട്ടു. കിഴക്കൻ സഊദിയിലെ  വ്യാവസായിക നഗരിയായ ജുബൈലിലാണ് ഉത്തർ പ്രദേശുകാരൻ മരണപ്പെട്ടത്.  എ.വൈ.ടി.ബി കമ്പനിയിൽ ട്രാവൽ വിഭാഗം ജീവനക്കാരൻ യു.പി സ്വദേശി അബ്​ദുൽ അഹദ് മുഹമ്മദ് സിദ്ദിഖ് (50) ആണ് മരിച്ചത്.

     പനിയും ശ്വാസംമുട്ടലും അനുഭവപ്പെട്ടതിനെ തുടർന്ന് അൽ-മന ആശുപത്രിയിൽ പ്രവേശിപ്പിക്കുകയും തീവ്രപരിചരണ വിഭാഗത്തിൽ വെന്റിലേറ്ററിൽ ഗുരുതരമായി തുടരുകയുമായിരുന്നു. ഒരു മകൻ ജുബൈലിൽ തന്നെ ജോലി ചെയ്യുന്നുണ്ട്. ഇതോടെ ജുബൈലിൽ രണ്ടു ദിവസത്തിനിടെ മരണപ്പെട്ട ഇന്ത്യക്കാർ നാല് പേരായി. ഇവരിൽ മൂന്ന്‌ പേർ മലയാളികളാണ്.