കിളിമാനൂര്‍: പഴയകുന്നുമ്മേല്‍ പഞ്ചായത്തിലെ ഞാവേലിക്കോണം കോളനി നിവാസികള്‍ക്ക് കുടിവെള്ളത്തിനായി പാത്രങ്ങളുമായി ഒരിടത്തും അലയേണ്ടി വരില്ല. പഴയകുന്നുമ്മേല്‍ പഞ്ചായത്ത്  ഭരണസമിതി കോളനി നിവാസികള്‍ക്കായി കുടിവെള്ള പദ്ധതി സ്ഥാപിച്ചു.
കോര്‍പ്പസ് ഫണ്ടില്‍ നിന്നും 15 ലക്ഷം രൂപ ചെലവഴിച്ചാണ് ഞാവേലിക്കോണത്തുകാരുടെ കുടിവെള്ള ക്ഷാമം പരിഹരിക്കാനായി കുടിവെള്ള പദ്ധതി സ്ഥാപിച്ചത്.
പദ്ധതിയുടെ ഭാഗമായി അമ്പതോളം കുടുംബങ്ങള്‍ക്കാണ്  കുടിവെള്ളമെത്തുന്നത്. പൊതുസ്ഥലങ്ങളില്‍ പൈപ്പ് കുറ്റികളും സ്ഥാപിച്ചിട്ടുണ്ട്. പദ്ധതിയുടെ പ്രവര്‍ത്തനോദ്ഘാടനം  ബി. സത്യന്‍ എം.എല്‍.എ നിര്‍വഹിച്ചു. പഞ്ചായത്ത് പ്രസിഡന്റ് എസ് സിന്ധു അധ്യക്ഷയായി.  പഞ്ചായത്ത് വൈസ് പ്രസിഡന്റ് കെ രാജേന്ദ്രന്‍, പഞ്ചായത്ത് സ്ഥിരംസമിതി അധ്യക്ഷ പി. ലാലി, പി ജി മധു, അജി, രാജീവ് എസ് ഷീജ, ഫത്തഹുദ്ദീന്‍ തുടങ്ങിയവര്‍ സംസാരിച്ചു.