ഗാങ്‌ടോക്ക്: രാജ്യത്ത് ഇതുവരെയും കൊവിഡ് ബാധ റിപ്പോര്‍ട്ട് ചെയ്യാത്ത ഏക സംസ്ഥാനമായിരുന്ന സിക്കിമിലും ആദ്യ കേസ് റിപ്പോര്‍ട്ട് ചെയ്തു. ലോക്ഡൗണ്‍ ഇളവുകളെത്തുടര്‍ന്ന് ഡല്‍ഹിയില്‍ നിന്ന് തിരികൈ എത്തിയ സൗത്ത് സിക്കിം സ്വദേശിയ്ക്കാണ് രോഗബാധ സ്ഥിരീകരിച്ചത്.റബാംഗലയിലെ ക്വാറന്റൈന്‍ സെന്ററില്‍ നിരീക്ഷണത്തിലായിരുന്നു ഇയാള്‍.

രോഗിയുമായി നേരിട്ട് സമ്പര്‍ക്കത്തിലേര്‍പ്പെട്ടവരെ കണ്ടെത്താനുള്ള ശ്രമത്തിലാണ് ഇപ്പോള്‍ ആരോഗ്യവകുപ്പ്.

കഴിഞ്ഞ മൂന്ന് മാസമായി ഗ്രീന്‍ സോണിലായിരുന്ന സിക്കിം കര്‍ശന നിയന്ത്രണങ്ങളാണ് ഏര്‍പ്പെടുത്തിയിരുന്നത്.