ന്യൂഡല്‍ഹി: ലോക്‌സഭാ തെരഞ്ഞെടുപ്പില്‍ മത്സരിക്കുന്നതിന് സീറ്റ് നിഷേധിച്ചതിനെത്തുടര്‍ന്നുണ്ടായ ഞെട്ടലിനു ശേഷം, താന്‍ പാര്‍ട്ടിക്കൊപ്പം തന്നെയെന്ന് വ്യക്തമാക്കി കെ.വി തോമസ്.

'തന്റെ പാര്‍ട്ടി കോണ്‍ഗ്രസ് തന്നെയാണ്. കോണ്‍ഗ്രസിന് ക്ഷീണം വരുന്നതൊന്നും ചെയ്യില്ല'- കെ.വി തോമസ് പറഞ്ഞു.

സീറ്റ് കിട്ടാത്തതിലല്ല, ഒഴിവാക്കിയ കാര്യം അറിയിക്കാത്തതിലാണ് ദു:ഖമുണ്ടായത്. ഇത്തരം സന്ദര്‍ഭങ്ങളില്‍ അതു സ്വാഭാവികമാണ്. പാര്‍ട്ടിയില്‍ എല്ലായ്‌പ്പോഴും അഭിപ്രായ വ്യത്യാസം പ്രകടിപ്പിക്കുന്ന ആളാണ് ഞാന്‍. എന്നാല്‍ ഇത്തവണ പ്രത്യേക സാഹചര്യത്തില്‍ ചില കാര്യങ്ങള്‍ പറയേണ്ടി വന്നു. അതാണു ചര്‍ച്ചയായതെന്നും കെ.വി തോമസ് പറഞ്ഞു.

എറണാകുളം പാര്‍ട്ടിയുടെ കോട്ടയാണ്. ആരു സ്ഥാനാര്‍ഥിയായാലും ജയിക്കും. പദവികളല്ല പ്രശ്‌നം, വിഷമിപ്പിച്ചത് പാര്‍ട്ടിയുടെ സമീപനമാണ്. എനിക്ക് എന്റേതായ വ്യക്തിത്വമുണ്ടെന്നും കെ.വി തോമസ് പറഞ്ഞു.