കല്‍പ്പറ്റ: അരമണിക്കൂര്‍ ദൈഘ്യമുള്ള 'ഇതുസത്യം' ടെലിഫിലിമിന്റെ ചിത്രീകരണം പൂര്‍ത്തിയായി. ശശി കാവുംമന്ദത്തിന്റെ 25ാമത്തെ ഹ്രസ്വ ചിത്രമാണിത്. പ്രായമായ അഛനമ്മമാരെ വൃദ്ധസദനത്തിലാക്കുന്ന മക്കളുടെ നീചത്തരമാണ് ചിത്രത്തിന്റെ വിഷയം. രചന, ഛായാഗ്രഹണം ചിത്രസംയോജനം, സംവിധാനം നിര്‍വഹിച്ചത് ശശി കാവുംമന്ദമാണ്. ജേക്കബ്, ശിവരാമന്‍, രാജേഷ് വയനാട്, ജോണ്‍സന്‍, അനില്‍, സോമന്‍ എമിലി, വേണു എം.എസ്, ഉഷ, മധുബാല എന്നിവരാണ് കഥാപാത്രങ്ങള്‍ കൈകാര്യം ചെയ്തത്. കാമറ സഹായികളായി മാത്യു ഇടുക്കി, ഷെബീര്‍ എന്നിവരും പ്രവര്‍ത്തിച്ചു.