വൈത്തിരി: കെ.എസ്.ആര്‍.ടി.സി ബസും ലോറിയും കൂട്ടിയിടിച്ച് പത്തുപേര്‍ക്ക് പരുക്കേറ്റു. വൈത്തിരിക്ക് സമീപം ചേലോട് പള്ളിക്കും ചുണ്ട ടൗണിനും ഇടയിലാണ് അപകടമുണ്ടായത്. രാവിലെ 8.30ഓടെയായിരുന്നു അപകടം. കോഴിക്കോട് ഭാഗത്തേക്ക് പോകുകയായിരുന്ന കെ.എസ്.ആര്‍.ടി.സി ബസും മൈസൂരിലേക്ക് പോകുകയായിരുന്ന ലോറിയുമാണ് അപകടത്തില്‍പെട്ടത്. മറ്റൊരു വാഹനത്തെ ലോറി മറികടക്കാന്‍ ശ്രമിക്കുന്നതിനിടെയാണ് അപകടമുണ്ടായതെന്ന് നാട്ടുകാര്‍ പറഞ്ഞു. ഗുരുതരമായി പരുക്കേറ്റ ലോറി ഡ്രൈവര്‍ ആന്ദ്രപ്രദേശ് സ്വദേശിയായ സുരേന്ദ്രയാദവിനെ കോഴിക്കോട് മെഡിക്കല്‍ കോളജിലും സാരമായി പരുക്കേറ്റ ബസ് യാത്രക്കാരെ വൈത്തിരി താലൂക്ക് ആശുപത്രിയിലും പ്രവേശിപ്പിച്ചു.