റിയാദ്: സഊദിയിലെ റിയാദിൽ ശ്വാസ തടസം മൂലം തൃശൂര്‍ സ്വദേശി മരണപ്പെട്ടു. കൊടുങ്ങല്ലൂര്‍ കാവുങ്ങല്‍ ഇബ്രാഹീം ശമീര്‍ (42) ആണ് റിയാദില്‍ നിര്യാതനായത്. പത്ത് വര്‍ഷമായി റിയാദിലുള്ള ഇദ്ദേഹം ബത്ഹയിലായിരുന്നു താമസം. ഞായറാഴ്ച്ച രാത്രി ശ്വാസ തടസ്സത്തെ തുടര്‍ന്ന് ആശുപത്രിയിലെത്തിച്ചെങ്കിലും രക്ഷിക്കാനായില്ല. നാജിദയാണ് ഭാര്യ. മുഹമ്മദ് ഇഹ്‌സാന്‍, ഹിബ ഫാത്തിമ മക്കളാണ്.

    മയ്യിത്ത് ഖബറടക്കുന്നതിനുള്ള നടപടിക്രമങ്ങളുമായി കെഎംസിസി സെന്‍ട്രല്‍ കമ്മിറ്റി വെല്‍ഫയര്‍ ചെയര്‍മാന്‍ സിദ്ദീഖ് തുവ്വൂര്‍, മഹ്ബൂബ് കണ്ണൂര്‍ എന്നിവരും തൃശൂര്‍ കെഎംസിസി പ്രവര്‍ത്തകരും രംഗത്തുണ്ട്.