വൈക്കം: മാവേലിക്കര എസ്.എന്‍.ഡി.പി യൂനിയന്റെ ഉടമസ്ഥതയിലുള്ള വെള്ളാപ്പള്ളി നടേശന്‍ എന്‍ജിനീയറിംഗ് കോളജ് എസ്.എഫ്.ഐ വിദ്യാര്‍ഥി സംഘടനയുടെ നേതൃത്വത്തില്‍ അടിച്ചു തകര്‍ത്തതില്‍ തലയോലപ്പറമ്പ് എസ്.എന്‍.ഡി.പി യൂനിയന്‍ പ്രതിഷേധിച്ചു.
യൂനിയന്‍ പ്രസിഡന്റ് ഇ.ഡി പ്രകാശന്റെ അധ്യക്ഷനായി. യൂനിയന്‍ സെക്രട്ടറി എസ്.ഡി സുരേഷ് ബാബു ഉദ്ഘാടനം ചെയ്തു. യോഗത്തില്‍ രഞ്ജിത്ത് രാജപ്പന്‍, സുലഭ സജീവ്, പത്മിനി തങ്കന്‍, രഞ്ജിത്ത് മൂലമ്പുറം, വിഷ്ണു ആചേരില്‍, അജീഷ് കുമാര്‍, യു.എസ് പ്രസന്നന്‍, വി.കെ ജയകുമാര്‍, ഇ.കെ സുരേന്ദ്രന്‍ സംസാരിച്ചു.