റിയാദ്: തബൂക്ക് ശാറലാമിലെ റസ്മിയ ഹോട്ടലിലെ ജീവനക്കാരനും, തബൂക്ക് കെ.എം.സി.സിയുടെ സജീവ പ്രവത്തകനുമായ തൃശൂര്‍ വാടാനപ്പള്ളി അഞ്ചങ്ങാടി പള്ളിക്ക് സമീപം പരേതനായ പുയു വീട്ടില്‍ സൈദ് മുഹമ്മദിന്റെ മകന്‍ അബ്ദുല്‍ സലാം (52) തബൂക്കില്‍ മരണപ്പെട്ടു.

ഉച്ചയ്ക്ക് ഡ്യൂട്ടി കഴിഞ്ഞ് റൂമില്‍ വിശ്രമിക്കാന്‍ പോയതായിരുന്നു സമയമായിട്ടും ജോലിക്ക് എത്താത്തതിനെ തുടര്‍ന്ന് അന്വേഷിച്ചപ്പോഴാണ് മരിച്ച നിലയില്‍ കണ്ടെത്തിയത്. ഹൃദയ സ്തംഭനമാണ് മരണ കാരണം. കിംഗ് ഖാലിദ് ഹോസ്പിറ്റലില്‍ സൂക്ഷിച്ച മൃതദേഹം നടപടിക്രമങ്ങള്‍ക്ക് ശേഷം മറവ് ചെയ്തു. ഏഴു വര്‍ഷമായി തബൂക്കില്‍ ജോലി ചെയ്തു വരുന്ന ഇദ്ദേഹം ഒരു വര്‍ഷം മുന്‍പാണ് അവസാനമായി നാട്ടില്‍ പോയി വന്നത്.

സീനത്താണ് ഭാര്യ. മക്കള്‍: ഷിയാസ്,സിനാന്‍,സിയാദ്.