ഈരാറ്റുപേട്ട;സര്‍ക്കാര്‍ ആശുപത്രി പൂഞ്ഞാറിലേക്ക് മാറ്റുന്നതിനെ സംബന്ധിച്ച  പി.സി. ജോര്‍ജിന്റെ വിശദീകരണത്തിനെതിരേ പ്രതിഷേധം.
കഴിഞ്ഞ ദിവസം മുന്‍സിപ്പാലിറ്റിയില്‍ നടന്ന യോഗത്തിലെ എം.എല്‍.എയുടെ പരാമര്‍ശങ്ങള്‍  ജനങ്ങളെ വിഡികളാക്കുകയായിരുന്നു എന്ന് വിലയിരുത്തല്‍.ഇവിടുത്തെ സര്‍ക്കാര്‍ ആശുപത്രി കമ്മ്യൂണിറ്റി ഹെല്‍ത്ത് സെന്റര്‍ ആക്കുമെന്നും 11 ഡോക്ടര്‍മാര്‍ ഈ ആശുപത്രിയിലെത്തുമെന്നും അദ്ദേഹം പറഞ്ഞിരുന്നു.എന്നാല്‍  ചട്ടപ്രകാരം ഒരിക്കലും നഗരസഭയിലെ സര്‍ക്കാര്‍ ആശുപത്രി സി.എച്ച്.സി.യായി ഉയര്‍ത്തുകയില്ല .സി.എച്ച്.സി.അനുവദിക്കുന്നത് ഗ്രാമീണ മേഖലയിലാണ്. എന്നാല്‍ ഈരാറ്റുപേട്ട സര്‍ക്കാര്‍ ആശുപത്രി നഗരസഭയുടെ കീഴിലായതു കൊണ്ട് ഇനി താലൂക്ക് നിലവാരത്തിലേക്ക് ഉയര്‍ത്തുവാനേ സാധിക്കുകയുള്ളൂ. ഈരാറ്റുപേട്ട ബ്ലോക്കിന്റെ കീഴില്‍ ഇടമറുക് സി.എച്ച്.സി മാത്രമാണുള്ളത്. പൂഞ്ഞാര്‍ മണ്ഡലത്തില്‍ പെട്ട മുണ്‍ക്കയം, എരുമേലി, കൂട്ടിക്കല്‍ എന്നിവിടങ്ങളില്‍ സി.എച്ച്.സി പ്രവര്‍ത്തിക്കുന്നു. ഈ ആശുപത്രികള്‍ കാഞ്ഞിരപ്പള്ളി ബ്ലോക്കിലാണ്.
ഇടമറുക് ആശുപത്രി പാലാ മണ്ഡലത്തിലുമാണെന്നിരിക്കെ ഈരാറ്റുപേട്ട ഗവ.ആശുപത്രി താലൂക്ക് ആശുപത്രിയായി ഉയര്‍ത്തണമെന്നാണ് ജനങ്ങളുടെ ആവശ്യം