പടിഞ്ഞാറങ്ങാടി: എസ്.കെ.എസ്.എസ്.എഫ് മദീന പാഷന്‍ എന്ന പ്രമേയത്തില്‍ മണ്ണാര്‍ക്കാട് ഹുദൈബിയ്യ നഗറില്‍ നടക്കുന്ന സമ്മേളനത്തിന്റെ ഭാഗമായി  എസ്.കെ.എസ്.എസ്.എഫ് തൃത്താല മേഖല നടത്തിയ സന്ദേശ ജാഥ ആലൂരില്‍ സമാപിച്ചു.
രാവിലെ ഒമ്പത് മണിക്ക് ആനക്കര മഖാം സിയാറത്തോടെ സയ്യിദ് ഉമറുല്‍ ഫാറൂഖ് തങ്ങള്‍ ഇരുമ്പകശ്ശേരി ജാഥാ ക്യാപ്റ്റന്‍ മുസ്തഫ ഫൈസി എറവക്കാടിന് പതാക നല്‍കി ഉദ്ഘാടനം ചെയ്തു. മേഖലയിലെ കുമ്പിടി, കൂട്ടക്കടവ്, പട്ടിത്തറ, ചിറ്റപ്പുറം, സൗത്ത് തൃത്താല, തൃത്താല, കക്കാട്ടിരി, മണ്ണാറപ്പറമ്പ്, കൊഴിക്കര, എറവക്കാട്, കാഞ്ഞിരത്താണി, കൂനംമൂച്ചി, പടിഞ്ഞാറങ്ങാടി, എഞ്ചിനിയര്‍ റോഡ്, കുമരനല്ലൂര്‍, വെള്ളാളൂര്‍, ചേക്കോട്, പറക്കുളം, ഒതളൂര്‍, തലക്കശ്ശേരി എന്നിവടങ്ങളില്‍ പര്യടനം നടത്തി.
സമാപന സമ്മേളനം സയ്യിദ് ശിഹാബുദ്ധീന്‍ ജിഫ്രി തങ്ങള്‍ വല്ലപ്പുഴ ഉദ്ഘാടനം ചെയ്തു. അബ്ദുള്‍ ഖാദിര്‍ ഫൈസി തലക്കശ്ശേരി പ്രമേയ പ്രഭാഷണം നടത്തി.
മുസ്തഫ ഫൈസി എറവക്കാട് അധ്യക്ഷനായി. ഹൈദറലി ഫൈസി, സൈഫുദ്ധീന്‍ ലത്വീഫി ചിറ്റപ്പുറം, ത്വയ്യിബ് ആലൂര്‍ , ജാബിര്‍ മുസ്‌ലിയാര്‍ ചിറ്റപ്പുറം, റഹീം കുമരനല്ലൂര്‍, നൗഫല്‍ മുസ്ലിയാര്‍ കുണ്ടുകാട്,സഫ്‌റാസ്, ഷരീഫ് ഹുദവി, സലീം വാഫി ആനക്കര, സലാം ഹുദവി കുമ്പിടി, സുഹൈല്‍ കുണ്ടുകാട്, സാബിത്ത്, മുഹമ്മദ് അലി ഹാജി, ഷിഹാബ് മാസ്റ്റര്‍, പി.വി.എസ് ഷാജഹാന്‍, കുഞ്ഞുട്ടി ഹാജി തുടങ്ങിയവര്‍ സംബന്ധിച്ചു.  ത്വയ്യിബ് ആലൂര്‍ നന്ദി പറഞ്ഞു.