കുറവിലങ്ങാട്: എം.സി.റോഡ് വികസന നിര്‍മ്മാണങ്ങളുടെ മറവില്‍ കെ.എസ്.ടി.പി.യുടേയും പൊതുമരാമത്ത് അധികൃതരുടേയും ഒത്താശയോടു കൂടി സ്വകാര്യ വ്യക്തികളുടെ ഭൂമി നികത്തുവന്‍ കുറവിലങ്ങാടു നിന്നും മണ്ണ് കൊണ്ടുപോകുന്നു. പട്ടിത്താനം മുതല്‍ കൂത്താട്ടുകുളംവരെയുളള റോഡിന്റെ വീതി കൂട്ടുന്നതിന്റെ ഭാഗമായി മാറ്റപ്പെടുന്ന മണ്ണ് ആലപ്പുഴ മേഖലയിലെ റെയില്‍വേ, ഹൈവേ നിര്‍മാണങ്ങള്‍ക്ക് അനുവദിച്ച അനുമതി പാസിന്റെ മറവില്‍ കല്ലറ പഞ്ചായത്തിന്റേയും മറ്റ് പഞ്ചായത്തുകളുടേയും പരിധിയിലെ സ്വകാര്യ വ്യക്തികളുടെ നെല്‍വയലുകളും മറ്റ് ഭൂമികളും നികത്തുവാന്‍ കൊണ്ടു പോകുന്നതായി ആക്ഷേപം. മണ്ണ് മാറ്റുവാന്‍ സര്‍ക്കാരുമായി ധാരണയായ കരാറുകാരാണ് മണ്ണ് നെല്‍വയല്‍ നികത്തുവാന്‍ കയറ്റിവിട്ടത്. ഇതിനായി ഉപയോഗിക്കുന്നത് മൈനിങ് ജിയോളജി വകുപ്പ് ഹൈവേ പോലുളള സര്‍ക്കാര്‍ നിര്‍മ്മാണ ജോലികള്‍ക്ക് നല്‍കിയ പാസുകള്‍ ദുരൂപയോഗം ചെയ്തതാണ് കോട്ടയം, ആലപ്പുഴ, എറണാകുളം ജില്ലകളിലേയ്ക്ക് കടത്തുന്നത്. ഇതിന് പിന്നില്‍ പൊതുമരാമത്തിന്റേയും, കെ.എസ്.ടി.പി.യുടെ ഉന്നതര്‍ മണ്ണ് കച്ചവടത്തിന്റെ ബിനാമികളാണ് എന്നുളള ആരോപണം ഉയര്‍ന്നു കഴിഞ്ഞു.