കൊച്ചി: കേരളത്തിന്റെ സന്തോഷ് ട്രോഫി താരം എം.എസ് ജിതിന്‍ ഇനി കേരളാ ബ്ലാസ്റ്റേഴ്‌സില്‍. എഫ്.സി കേരളയില്‍നിന്ന് അഞ്ചു ലക്ഷം രൂപ ട്രാന്‍സ്ഫര്‍ തുക നല്‍കിയാണ് ബ്ലാസ്റ്റേഴ്‌സ് ജിതിനെ സ്വന്തമാക്കിയത്.
നിലവില്‍ എഫ്.സി കേരളയുടെ താരമായിരുന്നു ജിതിന്‍. മൂന്ന് വര്‍ഷത്തേക്കാണ് ജിതിന്‍ ബ്ലാസ്റ്റേഴ്‌സുമായി കരാറിലെത്തിയിട്ടുള്ളത്. സന്തോഷ് ട്രോഫിയില്‍ കേരളം കിരീടം നേടിയപ്പോള്‍ ജിതിനായിരുന്നു ടോപ് സ്‌കോറര്‍. എഫ്.സി കേരളക്കായി സെക്കന്‍ഡ് ഡിവിഷന്‍ ഐ ലീഗിലും കേരളാ പ്രീമിയര്‍ ലീഗിലും ജിതിന്‍ മികച്ച പ്രകടനം പുറത്തെടുത്തിരുന്നു.