അരൂക്കുറ്റി: പെരുമ്പളം ദ്വീപ് നിവാസികളുടെ കുടിവെള്ളം മുട്ടിച്ച് വാട്ടര്‍ അതോറിറ്റി. യാതൊരു മുന്നറിയിപ്പുമില്ലാതെ മുന്നൂറില്‍പ്പരം വീടുകളിലേക്കുള്ള കണക്ഷനുകള്‍ റദ്ദ് ചെയ്തു.
ഇതോടെ പതിനായിരകണക്കിന് ദ്വീപ് നിവാസികളുടെ കുടിവെള്ളം മുട്ടി. ഒരു മാസമായി പഞ്ചായത്തിന്റെ എഴുന്നൂറില്‍പ്പരം ഗുണഭോക്താക്കള്‍ക്ക് വിവിധ കാരണങ്ങള്‍ ചൂണ്ടിക്കാട്ടി നോട്ടീസ് അയച്ചിരുന്നു. പലര്‍ക്കും ബാധകമല്ലാത്ത കാരണങ്ങളാണ് നോട്ടീസില്‍ ഉണ്ടായിരുന്നതെന്ന് ദ്വീപ് നിവാസികള്‍ പറഞ്ഞു.
ഇക്കാര്യം ചൂണ്ടിക്കാട്ടി അധികൃതര്‍ക്ക് മറുപടി നല്‍കിയെങ്കിലും ഇതൊന്നും കൂട്ടാക്കാതെയാണ് നടപടി സ്വീകരിച്ചത്.