ദേളി:  എന്‍.എ.എല്‍.പി സ്‌കൂളിലെ വിദ്യാര്‍ഥികള്‍ക്ക് പുതിയ അധ്യയന വര്‍ഷത്തിലേക്കു യൂനിഫോം തയ്ക്കുന്നതിനു പരക്കം പായേണ്ട കാര്യമേയില്ല. അധ്യാപക രക്ഷാകര്‍തൃസമിതി സ്‌കൂളില്‍ സൗജന്യ തയ്യല്‍ കേന്ദ്രമൊരുക്കിയാണു വിദ്യാര്‍ഥികള്‍ക്കു യൂനിഫോം തയ്ച്ചു നല്‍കുന്നത്.  സ്‌കൂളിലെ രക്ഷാകര്‍തൃ സമിതിയുടെ നേതൃത്വത്തിലാണു പദ്ധതി നടപ്പാക്കി വരുന്നത്. പി.ടി.എ അംഗങ്ങളില്‍ നിന്നും പൂര്‍വ വിദ്യാര്‍ഥികളില്‍ നിന്നും തയ്യല്‍ക്കാരെ കണ്ടത്തി. സ്‌കൂളിനു വേണ്ടി സംഭാവന ലഭിച്ച തയ്യല്‍ മെഷിന്‍ ഉപയോഗിച്ച് സ്‌കൂള്‍ തുറക്കും മുന്‍പേ യൂനിഫോം ലഭ്യമാക്കുകയാണ് ലക്ഷ്യം.  
ഈ വര്‍ഷം പുതുതായി അധ്യയനം നേടിയ കുട്ടികള്‍ക്കാണു സൗജന്യമായി യൂനിഫോം തയ്ച്ചു നല്‍കുന്നത്. വരും വര്‍ഷത്തില്‍ എല്ലാ കുട്ടികളെയും ഈ പദ്ധതിയില്‍ ഉള്‍പ്പെടുത്താനുള്ള ഒരുക്കത്തിലാണ് പി.ടി.എ കമ്മിറ്റി. പൂര്‍വ വിദ്യാര്‍ഥിയായ ഫൈസല്‍ ദേളിയും മദര്‍ പി.ടി.എ പ്രസിഡന്റ് യു നളിനിയും പദ്ധതിക്ക് നേതൃത്വം നല്‍കുന്നു.