കാഞ്ഞങ്ങാട്: ബുള്ളറ്റില്‍  പ്രസ് സ്റ്റിക്കര്‍ പതിച്ചു നഗരത്തില്‍ വിലസിയ ബാര്‍മാനേജറെ പൊലിസ് പിടികൂടി.  കോട്ടച്ചേരി ഒരു ബിയര്‍ പാര്‍ലറിന്റെ മാനേജര്‍ വെള്ളിക്കോത്ത ് സ്വദേശിയായ യുവാവാണ് തന്റെ ബുള്ളറ്റില്‍ പ്രസ് സ്റ്റിക്കര്‍ പതിച്ച് നഗരത്തില്‍ കറങ്ങിയത്. പൊലിസ് മേധാവിക്കു ലഭിച്ച പരാതിയെ  തുടര്‍ന്ന് കാഞ്ഞങ്ങാട് ഡിവൈ.എസ്.പി കെ ദാമോദരന്‍ യുവാവിനെ പിടികൂടി താക്കിത് ചെയ്ത് വിട്ടയക്കുകയായിരുന്നു. മാധ്യമപ്രവര്‍ത്തകര്‍ വാഹനങ്ങളില്‍ ഉപയോഗിക്കുന്ന പ്രസ് സ്റ്റിക്കര്‍ ഇരുചക്രവാഹനങ്ങളിലും മറ്റു വാഹനങ്ങളിലും പതിച്ച് സാമൂഹ്യ വിരുദ്ധ പ്രവര്‍ത്തനങ്ങളില്‍ എര്‍പ്പെടുന്നവര്‍ക്കെതിരേ കര്‍ശന നടപടി സ്വീകരിക്കണമെന്ന് കാസര്‍കോട് പ്രസ് ക്ലബ് ഉന്നത പൊലിസ് അധികൃതര്‍ക്ക് പരാതി നല്‍കിയിരുന്നു.
ഇതിന്റെ അടിസ്ഥാനത്തില്‍ പൊലിസ് പരിശോധന കര്‍ശനമാക്കിയിട്ടുണ്ട്.