കാസര്‍കോട്: എസ്.കെ.എസ്,എസ്.എഫ് മദീനാ പാഷന്‍ സമ്മേളന നഗരിയില്‍ ഉയര്‍ത്താനുള്ള പതാക വരക്കല്‍ മഖാമില്‍ നിന്നും  കൊടിമരം ഉള്ളാളില്‍ നിന്നും തളങ്കര ഹുദൈബിയ നഗറിലെത്തി. വരക്കല്‍ മഖാം സിയാറത്തിനു ശേഷം എസ്.കെ.എസ്.എസ്.എഫ്  സംസ്ഥാന പ്രസിഡന്റ് പാണക്കാട് സയ്യിദ് ഹമീദലി ശിഹാബ് തങ്ങള്‍  പതാക ജില്ലാ  വൈസ് പ്രസിഡന്റ് അബ്ദുസ്സലാം ഫൈസി പേരാല്‍, പി.എച്ച് അസ്ഹരി ആദൂര്‍, കബീര്‍  ഫൈസി എന്നിവര്‍ക്കു കൈമാറി.
ഉള്ളാളില്‍ നിന്നാരംഭിച്ച കൊടിമര ജാഥയുടെ പ്രയാണത്തിനു തുടക്കം കുറിച്ചു കെ.സി ഇബ്രാഹിം ബാഖവി ഉള്ളാള്‍ മഖാമില്‍  പ്രാര്‍ഥന നടത്തി.
സയ്യിദ് സൈഫുള്ള തങ്ങള്‍, അബൂബക്കര്‍ സിദ്ധീഖ് അസ്ഹരി, മുഹമ്മദ് ഫൈസി കജ എന്നിവര്‍  കൊടിമര ജാഥക്ക്  നേതൃത്വം നല്‍കി. ഇരു ജാഥകളെയും  തളങ്കര ഹുദൈബിയ്യ നഗറില്‍  സ്വാഗത സംഘം ഭാരവാഹികളും ജില്ലാ നേതാക്കളും ചേര്‍ന്നു സ്വീകരിച്ചു.