മലപ്പുറം: യുവാക്കളെ സാമൂഹ്യവിരുദ്ധര്‍ മര്‍ദിച്ചു. പാണക്കാട് തൂക്കുപാലത്തിന് സമീപം ലഹരി ഉപയോഗവും സത്രീകളെ ശല്യം ചെയ്യുന്ന സംഭവവും നിത്യ സംഭവമായതോടെ ഇതിനെതിരെ പ്രതിഷേധിച്ച യുവാക്കള്‍ക്കാണ് മര്‍ദനമേറ്റത്. കഴിഞ്ഞ ദിവസം വൈകിട്ട് എട്ടരയോടെയാണ് സംഭവം. പാണക്കാട് സ്വദേശികളായ പി.എം മുഹമ്മദ് സാബിര്‍, എം.ടി ബിജു എന്നിവരെ പരുക്കുകളോടെ മലപ്പുറം സഹകരണ ആശുപത്രിയില്‍ പ്രവേശിപ്പിച്ചു. പുറത്തു നിന്നുള്ളവരാണ് ഇവിടെയെത്തി ലഹരി ഉപയോഗിക്കുകയും അമിത വേഗതയില്‍ ബൈക്കോടിച്ച് ഭീകരാന്തരീക്ഷം സൃഷ്ടിക്കുകയും ചെയ്യുന്നത്.