കൂത്തുപറമ്പ്: വള്ള്യായി പ്രദേശത്ത് എക്‌സൈസ് സംഘം നടത്തിയ പരിശോധനയില്‍ അനധികൃതമായി സൂക്ഷിച്ച നിലയില്‍ 200 ലിറ്റര്‍ വാഷും ചാരായവും പിടികൂടി. വള്ള്യായിലെ കെ ജിനിലിന്റെ(25) വീട്ടില്‍ വച്ചാണ് ഇന്നലെ രാവിലെ കൂത്തുപറമ്പ് എക്‌സൈസ് ഇന്‍സ്‌പെക്ടര്‍ ബിനുവിന്റെ നേതൃത്വത്തിലുള്ള സംഘം വാഷ് പിടികൂടിയത്. ഇയാളെ അറസ്റ്റു ചെയ്തു. എട്ടു ലിറ്റര്‍ ചാരായം കൈവശം വച്ചതിന് വള്ള്യായിയിലെ പെരിയക്കണ്ടി വീട്ടില്‍ സരിലി(27)നെതിരേ കേസെടുത്തു. ചാരായം കൊണ്ടുവരവേ എക്‌സൈസ് സംഘത്തെ കണ്ട് ഇയാള്‍ ഓടിപ്പോവുകയായിരുന്നുവെന്ന് ഉദ്യോഗസ്ഥര്‍ പറഞ്ഞു. കൂത്തുപറമ്പ് ടൗണില്‍ വിദേശമദ്യം വിറ്റതിന് മണത്തണയിലെ പി വിപിനെ(23)യും എക്‌സൈസ് സംഘം അറസ്റ്റു ചെയ്തു.5