കാളികാവ്: ജില്ലയില്‍ പൊലിസുകാര്‍ക്ക് ആഘോഷ ദിവസങ്ങളില്‍ അവധിയില്ല. മലപ്പുറം ഉപതെരഞ്ഞെടുപ്പ് നടപടിക്രമത്തിന്റെ ഭാഗമായാണ് ജില്ലയിലെ പൊലിസുകാര്‍ക്ക് അവധി നിഷേധിച്ചിട്ടുള്ളത്. വിഷു, പെസഹ വ്യാഴം, ദുഃഖ വെള്ളി ദിവസങ്ങളില്‍ ആരാധനാലയങ്ങളിലേയും വീടുകളിലേയും ചടങ്ങില്‍ ഇവര്‍ക്കു പങ്കെടുക്കാനാകില്ല.
അവധി ഒഴിവാക്കിയതിനാല്‍ ഒരുതരത്തിലും സ്റ്റേഷനുകളില്‍നിന്നു വിട്ടുനില്‍ക്കാന്‍ കഴിയാത്ത സ്ഥിതിയിലാണ്. മലപ്പുറം ഉപതെരഞ്ഞെടുപ്പിനു പുറമേ അങ്ങാടിപ്പുറം പൂരം തുടങ്ങി വിവിധയിടങ്ങളിലായി ജില്ലയിലെ പൊലിസുകാര്‍ തിരക്കിലാണ്. ഉപതെരഞ്ഞെടുപ്പ് കഴിഞ്ഞുവെങ്കിലും അവധി നല്‍കേണ്ടെന്ന ഉത്തരവാണ് നല്‍കിയിട്ടുള്ളത്. ഇവര്‍ക്ക് ആരാധനാലയങ്ങളില്‍ നടക്കുന്ന ചടങ്ങ് നഷ്ടപ്പെടുമെന്നത് ഉറപ്പാണ്.
അവധി ലഭിക്കാത്തതിനാല്‍ പൊലിസുകാര്‍ക്കിടയിലും അമര്‍ഷമുണ്ട്.