കൊല്‍ക്കത്ത: അമിത്ഷായ്‌ക്കൊപ്പം വേദി പങ്കിടില്ലെന്ന് ബംഗാളിലെ പ്രമുഖര്‍. ദ്വിദിന സന്ദര്‍ശനത്തിനായി പശ്ചിമബംഗാളില്‍ എത്തിയ ബി.ജെ.പി അധ്യക്ഷന്‍ അമിത് ഷായ്‌ക്കൊപ്പം വേദി പങ്കിടാന്‍ കലാ, സാംസ്‌കാരിക, സാമൂഹിക രംഗത്തെ പ്രമുഖര്‍ തയാറായില്ല.
ബംഗാളി എഴുത്തുകാരന്‍ ബന്‍കിം ചന്ദ്ര ചതോപാധ്യയുമായി ബന്ധപ്പെട്ട പരിപാടിയില്‍ പങ്കെടുക്കാനാണ് അമിത്ഷാ എത്തിയത്. ഈ പരിപാടിയിലേക്കുള്ള ബി.ജെ.പിയുടെ ക്ഷണമാണ് പ്രമുഖര്‍ തള്ളിയത്. സുപ്രിം കോടതി ജഡ്ജി അശോക് ഗാംഗുലി, പൊതുപ്രവര്‍ത്തകനും എഴുത്തുകാരനുമായ സന്തോഷ് റാണ, തെസ്പിയന്‍ സൗമിത്ര ചാറ്റര്‍ജി, ഗായകന്‍ അമര്‍ പോള്‍, ചിത്രകാരന്‍ സമീര്‍, തിയറ്റര്‍ ആര്‍ടിസ്റ്റുകളായ രുദ്രപ്രസാദ് സെന്‍ ഗുപ്ത, ചന്തന്‍ സെന്‍, മനോജ് മിത്ര എന്നിവരാണ് ബി.ജെ.പിയുടെ ക്ഷണം നിരസിച്ചത്.