വടകര: മാഹിയില്‍ നിന്നു കാറില്‍ കടത്തിയ 36 കുപ്പി വിദേശ മദ്യവുമായി യുവാവ് പിടിയില്‍. തലശ്ശേരി കതിരൂര്‍ മലമ്മല്‍ സുജിത്തിനെയാണ് (23) വടകര എക്‌സൈസ് ഇന്‍സ്‌പെക്ടര്‍ കെ.കെ സുജിത്തും സംഘവും പിടികൂടിയത്.
മാഹി റെയില്‍വേ സ്റ്റേഷന്‍ പരിസരത്തു നിന്നാണ് മാരുതി കാറില്‍ കടത്തവെ മദ്യവുമായി ഇയാളെ പിടികൂടിയത്. വടകര ഭാഗത്തുനിന്ന് വില്‍പനക്കു വേണ്ടി കൊണ്ടുവരികയായിരുന്നു മദ്യമെന്ന് ഇയാള്‍ മൊഴി നല്‍കി.
മുട്ടുങ്ങല്‍ ബസ് സ്റ്റോപ്പിനു പിന്നില്‍ ഒളിപ്പിച്ച എട്ടു കുപ്പി മദ്യം എക്‌സൈസ് കസ്റ്റഡിയിലെടുത്തു.