ദമാം: കിഴക്കൻ സഊദിയിലെ ദമാമിൽ മലയാളി പനി ബാധിച്ച് മരിച്ചു. ആലപ്പുഴ തിരുവമ്പാടി സ്വദേശി വാടക്കൽ കുരിശിങ്കൽ വീട്ടിൽ ജോണി (51) ആണ്​ കടുത്ത പനിയെ തുടർന്ന് മരിച്ചത്. ദിവസങ്ങൾക്ക്​ മുമ്പാണ്​ കടുത്ത പനിയും ചുമയുമുണ്ടായി​ ആശുപത്രിയിൽ പ്രവേശിപ്പിച്ചത്​. സ്ഥിതി ഗുരുതരമായി തുടരുകയായിരുന്നു. ചൊവ്വാഴ്​ച ഉച്ചയോടെയാണ്​ മരണം സംഭവിച്ചത്​. സറാകോ കമ്പനിയിലെ ജീവനക്കാരനായിരുന്ന അദ്ദേഹം കരാർ അടിസ്​ഥാനത്തിൽ 27 വർഷമായി ദമാം മെഡിക്കൽ കോംപ്ലക്​സിൽ അഡ്​മിനിസ്​ട്രേഷൻ വിഭാഗത്തിൽ ജോലിചെയ്യുകയായിരുന്നു. കൊവിഡ് മൂലമാണ് കടുത്ത പനിയുണ്ടായതെന്ന് റിപ്പോർട്ടുകളുണ്ട്. ഭാര്യ റസീനയും സറാക്കോ കമ്പനിക്കു കീഴിൽ തന്നെയാണ് ജോലി ചെയുന്നത്. മക്കൾ: ഡോ. റോഷിൻ, എൻജി. നിഷിൻ.

     പ്രവാസം അവസാനിപ്പിച്ച് കഴിഞ്ഞ ഏപ്രിലിൽ നാട്ടിൽ പോകാൻ ഒരുങ്ങിയെങ്കിലും കൊവിഡ് വൈറസ് വ്യാപനത്തെ തുടർന്ന് വിമാന സർവ്വീസുകൾ മുടങ്ങിയാൽ യാത്ര നീട്ടി വെക്കുകയായിരുന്നു. മൃതദേഹം ദമാം മെഡിക്കൽ കോംപ്ലക്സിൽ സൂക്ഷിച്ചിരിക്കുകയാണ്.