മേപ്പയൂര്‍: മോദിക്കെതിരേ പോരാടുമെന്നു അവകാശപ്പെട്ട് അധികാരത്തിലെത്തിയവര്‍ സംസ്ഥാനത്തു മോദിസം നടപ്പിലാക്കുകയാണെന്ന് യുവജനതാദള്‍ സംസ്ഥാന ജന. സെക്രട്ടറി നിഷാദ് പൊന്നങ്കണ്ടി അഭിപ്രായപ്പെട്ടു.
 യുവജനതാദള്‍ (യു) പ്രവര്‍ത്തക സമ്മേളനം കൊഴുക്കല്ലൂരില്‍ ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കെ. ലിഗേഷ് അധ്യക്ഷനായി. ജില്ലാ ജന. സെക്രട്ടറി സുനില്‍ ഓടയില്‍ മുഖ്യപ്രഭാഷണം നടത്തി. ബി.ടി സുധീഷ് കുമാര്‍, സുരേഷ് ഓടയില്‍, പി.കെ രതീഷ്, കെ.എം പ്രമീഷ്, സുധീഷ് കേളോത്ത്, കെ.എം അനീഷ് സംസാരിച്ചു.  
 ഭാരവാഹികളായി കെ. ലിഗേഷ് (പ്രസി), വി.വി വിജീഷ് (വൈ.പ്രസി), പി.കെ ലാലുപ്രസാദ്, പി. ഷിബിന്‍രാജ് (സെക്ര), കെ.എം അനീഷ് (ട്രഷ) എന്നിവരെ തിരഞ്ഞെടുത്തു.