തിരുവനന്തപുരം: സംസ്ഥാനത്ത് നാളെ മുതല്‍ മദ്യവില്‍പ്പന പുനരാരംഭിക്കും. ഓണ്‍ലൈന്‍ വഴി മദ്യം ലഭ്യമാക്കാനുള്ള 'ബെവ് ക്യൂ' ആപ്ലിക്കേഷന്‍ ഇന്ന് വൈകുന്നേരം മുതല്‍ ലഭ്യമാക്കന്‍ ഇന്ന് ചേര്‍ന്ന മന്ത്രിസഭാ യോഗത്തില്‍ തീരുമാനമായി.

മൊബൈല്‍ ആപ്ലിക്കേഷനു ഗൂഗിളിന്റെ അനുമതി ലഭിച്ചതിനു പിന്നാലെയാണ് മന്ത്രിസഭായോഗവും അനുമതി നല്‍കുന്നത്.ഒരു മണിക്കൂറില്‍ ഒരു കൗണ്ടറില്‍നിന്ന് 50 പേര്‍ക്കു മദ്യം വിതരണം ചെയ്യാന്‍ കഴിയുമെന്ന് അധികൃതര്‍ പറയുന്നു. ഒരു ദിവസം 4.8ലക്ഷം ടോക്കണുകള്‍ വിതരണം ചെയ്യാനാണ് ആദ്യഘട്ടത്തില്‍ ആലോചിക്കുന്നത്.

കൊവിഡ് പ്രതിരോധ പ്രവര്‍ത്തനത്തിന്റെ സാഹചര്യത്തില്‍ മദ്യശാലകള്‍ തുറക്കുമ്പോള്‍ തിരക്ക് നിയന്ത്രിക്കുന്നതിനായാണ് ഓണ്‍ലൈനായി
ടോക്കണ്‍ അനുവദിക്കാനുള്ള തീരുമാനം.