മടവൂര്‍: സി.എം മഖാം ജാമിഅഃ അശ്അരിയ്യ കേന്ദ്രമായി പ്രവര്‍ത്തിക്കുന്ന  കോ- ഓഡിനേഷന്‍ ഓഫ് അശ്അരി കോളജിന് കീഴില്‍ രണ്ട് സ്ഥാപനങ്ങള്‍ക്ക് കൂടി അംഗീകാരം. ശംസുല്‍ ഉലമ സ്മാരക മനാറുല്‍ ഹുദ ഇസ്‌ലാമിക് കോളജ് ബെല്ലാ കടപ്പുറം, നാരകശേരി അഹ്മദ് അബൂബക്കര്‍ മുസ്‌ലിയാര്‍ സ്മാരക മന്‍ഹാജുല്‍ ഹുദ ദഅ്‌വ കോളജ് മലയമ്മ എന്നീ സ്ഥാപനങ്ങള്‍ക്കാണ് അംഗീകാരം നല്‍കിയത്.  അടുത്ത അധ്യയന വര്‍ഷത്തേക്കുള്ള പ്രവേശന പരീക്ഷ മെയ് ഒന്ന് രാവിലെ 10:30 മുതല്‍ നടത്താനും യോഗം തീരുമാനിച്ചു.
മടവൂര്‍ സി.എം മഖാം ജാമിഅഃഅശ്അരിയ്യ ഓഫിസില്‍ ചേര്‍ന്ന  കോ-ഓഡിനേഷന്‍ മീറ്റിങില്‍ വൈസ്: ചെയര്‍മാന്‍ മൂത്താട്ട് അബ്ദുറഹിമാന്‍ മാസ്റ്റര്‍ അധ്യക്ഷനായി. കോ-ഓഡിനേഷന്‍ ചെയര്‍മാനും സമസ്ത പ്രസിഡന്റുമായ സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്തു. സമസ്ത കോഴിക്കേട് ജില്ലാ പ്രസിഡന്റ് ചേലക്കാട് മുഹമ്മദ് മുസ്‌ലിയാര്‍ പ്രാര്‍ഥന നടത്തി. ടി.പി.സി മുഹമ്മദ് കോയ ഫൈസി, ഇ. അഹമ്മദ് കുട്ടി ഫൈസി, അബൂബക്കര്‍ ഫൈസി മലയമ്മ, നാസര്‍ ഫൈസി കൂടത്തായി, അബ്ദുസ്സലാം ഫൈസി, പി.സി യൂസുഫ് ഫൈസി, മുഹമ്മദ് സ്വാലിഹ് ഹുദവി, ഫൈസല്‍ ഫൈസി മടവൂര്‍, അമീന്‍ അശ്അരി, മുഹമ്മദലി അശ്അരി , എ.കെ അബ്ദുള്ള ഹാജി കാഞ്ഞങ്ങാട്, എം.കെ അബൂബക്കര്‍ ഹാജി ,സി.എച്ച് മൊയ്തീന്‍ കുഞ്ഞി, അസീസ് മുസ്‌ലിയാര്‍ മലയമ്മ, പി.കെ.പി മുഹമ്മദ് ഹാജി, സംബന്ധിച്ചു. എസ്.എസ്.എല്‍.സി കഴിഞ്ഞവര്‍ക്ക് എട്ട് വര്‍ഷം കൊണ്ട് മതപഠന രംഗത്ത് അശ്അരി മുത്വവ്വല്‍ ബിരുദവും ഭൗതിക പഠനത്തില്‍ കാലിക്കറ്റ് യൂനിവേഴ്‌സിറ്റി പി.ജി യും  ഡി.സി.എയും നല്‍കുന്നതാണ് അശ്അരി കോഴ്‌സ്.