കോഴിക്കോട്: ഖുര്‍ആന്‍ സ്റ്റഡി സെന്റര്‍ കേന്ദ്രകമ്മിറ്റിയുടെ ആഭിമുഖ്യത്തില്‍ പാഴൂര്‍ ദാറുല്‍ ഖുര്‍ആന്‍ പ്രചാരണാര്‍ഥം കോഴിക്കോട് നടക്കുന്ന റമദാന്‍ പ്രഭാഷണത്തിന്റെ സ്വാഗതസംഘം ഓഫിസ് കോഴിക്കോട് ഇസ്‌ലാമിക് സെന്ററില്‍ എസ്.കെ.എസ്.എസ്.എഫ് സംസ്ഥാന പ്രസിഡന്റ് പാണക്കാട് ഹമീദലി ശിഹാബ് തങ്ങള്‍ ഉദ്ഘാടനം ചെയ്തു.
ജനറല്‍ കണ്‍വീനര്‍ മുസ്തഫ മാസ്റ്റര്‍ മുണ്ടുപാറ അധ്യക്ഷനായി. സത്താര്‍ പന്തല്ലൂര്‍, അബൂബക്കര്‍ ഫൈസി മലയമ്മ, അയ്യൂബ് കൂളിമാട്, റശീദ് ഫൈസി വെള്ളായിക്കോട്, എന്‍.കെ റഫീഖ്, ആര്‍.വി.എ സലാം, സൈനുല്‍ ആബിദീന്‍ തങ്ങള്‍, മുഹമ്മദ് സമീര്‍ നുഹൈരി, അബ്ദുറഹ്മാന്‍ ദാരിമി, കെ. അഷ്‌റഫ്, പി.കെ മുഹമ്മദ് മാസ്റ്റര്‍ സംസാരിച്ചു. പി.വി ഷാഹുല്‍ ഹമീദ് സ്വാഗതവും സി. ഷുകൂര്‍ മാസ്റ്റര്‍ നന്ദിയും പറഞ്ഞു.