കാളികാവ്: മമ്പാട്ടു മൂലയിലുണ്ടായ സംഘട്ടനത്തില്‍ നാലുപേര്‍ക്കെതിരെ പൊലിസ് കേസെടുത്തു. മുഖ്യ പ്രതി പോത്തും കളത്തില്‍ ഫവാസിനെ പൊലിസ് അറസ്റ്റ് ചെയ്തു. ഫുട്‌ബോള്‍ മത്സരത്തിനിടെ രണ്ടുമാസം മുമ്പ് നടന്ന തര്‍ക്കത്തിന്റെ തുടര്‍ച്ചയായി ശനിയാഴ്ച വീണ്ടും ഏറ്റുമുട്ടലുണ്ടാകുകയായികുന്നു. അമരമ്പലം ഉപ്പുവള്ളിയിലെ ആനപ്പട്ടത്ത് നിഷാദിന് ഏറ്റുമുട്ടലില്‍ ഗുരുതരമായ പരുക്കേറ്റു. നിഷാദിന്റെ തല ഇരുമ്പ് വടി കൊണ്ട് തല്ലിപ്പൊട്ടിച്ചതിലും കൈ ഒടിച്ചതിനുമെതിരെയാണ് കേസ്.
കാളികാവ് എസ് ഐ കെ എ ബാബു, സീനിയര്‍ സിവില്‍ പൊലിസ് ഓഫീസര്‍ രാജന്‍, സിവില്‍ പൊലിസ് ഓഫീസര്‍ കെ വി ലിജിന്‍, എന്നിവര്‍ ചേര്‍ന്നാണ് ഒന്നാം അറസ്റ്റ് ചെയ്തത്. കേസിലുള്‍പെട്ട മൂന്നു പേര്‍ക്കായി തെരച്ചില്‍ തുടരുന്നതായി എസ് ഐ പറഞ്ഞു.