പാരിസ്: ഏറെ നാളത്തെ കാത്തിരിപ്പിനൊടുവില്‍ ദേശീയ ടീമിലേക്ക് തിരിച്ചെത്തിയ ആന്റണി മാര്‍ഷ്യലിന് പരുക്ക്. പരുക്കേറ്റതിനെ തുടര്‍ന്ന് താരത്തെ ടീമില്‍നിന്ന് ഒഴിവാക്കി. ഇതോടെ അടുത്ത ആഴ്ച നടക്കുന്ന യൂറോ കപ്പ് യോഗ്യതാ മത്സരത്തില്‍ മാര്‍ഷ്യലിന് കളിക്കാനാവില്ല. കഴിഞ്ഞ ദിവസം എഫ്.എ കപ്പില്‍ വോള്‍വ്‌സിനെതിരേ നടന്ന മത്സരത്തിനിടെയാണ് മാര്‍ഷ്യലിന്റെ കാല്‍മുട്ടിന് പരുക്കേറ്റത്. മാര്‍ച്ച് 22നും മാര്‍ച്ച് 25നും നടക്കുന്ന യൂറോ 2020നുള്ള മൊള്‍ഡോവക്കെതിരായ യോഗ്യതാ മത്സരങ്ങളാണ് മാര്‍ഷ്യലിന് നഷ്ടമാവുക.