‌ മെല്‍ബണ്‍: ഈ വര്‍ഷം ഒക്ടോബറിലേക്ക് നടക്കേണ്ടിയിരുന്ന ട്വന്റി-ട്വന്റി ലോകകപ്പ് ക്രിക്കറ്റിന്റെ നടത്തിപ്പുമായി സംബന്ധിച്ച കാര്യങ്ങള്‍ നാളെ അറിയാം. നാളെ ചേരുന്ന ഐ.സി.സി യോഗത്തില്‍ ഇതുസംബന്ധിച്ച തീരുമാനമെടുക്കുമെന്നാണ് സൂചന. വീഡിയോ കോണ്‍ഫറന്‍സ് വഴി ചേരുന്ന യോഗത്തില്‍ ലോകകപ്പിനു പുറമേ മറ്റു മത്സരങ്ങളും ചര്‍ച്ച ചെയ്യപ്പെടും.

ഒക്ടോബര്‍ 18 മുതല്‍ നവംബര്‍ 15 വരെ ആസ്‌ത്രേലിയയില്‍വച്ച് നടക്കേണ്ടിയിരുന്ന് ടി20 കൊവിഡിന്റെ പശ്ചാത്തലത്തില്‍ 2022 ലേക്ക് നീട്ടിവച്ചേക്കുമെന്നാണ് സൂചന. അതേസമയം ലോകകപ്പ് മത്സരങ്ങള്‍ നീളുകയാണെങ്കില്‍ ഐ.പി.എല്‍ മത്സരങ്ങള്‍ നടത്തുന്ന കാര്യത്തില്‍ ബി.സി.സി.ഐക്ക്് സാധ്യതകള്‍ തുറക്കും.