ഇന്നലത്തെ റയല്‍ ബെറ്റിസിനെതിരേ നേടിയ ജയത്തോടെ മെസ്സി റെക്കോര്‍ഡ് സ്വന്തമാക്കി. ബാഴ്‌സലോണക്കൊപ്പം ഏറ്റവും കൂടുതല്‍ മത്സരം ജയിച്ചെന്ന നേട്ടമാണ് മെസ്സി സ്വന്തമാക്കിയത്. 477 മത്സരങ്ങളിലാണ് മെസ്സി ബാഴ്‌സക്കൊപ്പം ജയം നേടിയത്. സ്പാനിഷ് താരം സാവിയുടെ പേരിലായിരുന്നു ഇതിന് മുമ്പ് ഈ റെക്കോര്‍ഡ്.

476 മത്സരങ്ങളിലായിരുന്നു സാവി ജയം സ്വന്തമാക്കിയത്. 459 മത്സരം ജയിച്ച ആന്ദ്രെ ഇനിയെസ്റ്റ മൂന്നാം സ്ഥാനത്തും 380 മത്സരം ജയിച്ച ബുസ്‌കറ്റ്‌സ് നാലാം സ്ഥാനത്തും 369 മത്സരം ജയിച്ച പുയോള്‍ അഞ്ചാം സ്ഥാനത്തും നില്‍ക്കുന്നു. ഇന്നലത്തെ ഹാട്രിക്കോടെ ബാഴ്‌സലോണക്ക് വേണ്ടി 41 മത്തെ ഹാട്രിക്കാണ് മെസ്സി നേടിയത്. ഫ്രീ കിക്കില്‍നിന്ന് 39 ഗോളും ബാഴ്‌സക്കായി മെസ്സി കണ്ടെത്തിയിട്ടുണ്ട്.