തിരൂര്‍: കഞ്ചാവ് വില്‍പ്പനക്കിടെ വയോധികന്‍ പിടിയില്‍. തിരൂര്‍ പുല്ലൂര്‍ ഇരുട്ടുതോടില്‍ പറൂര്‍ വീട്ടില്‍ അപ്പുക്കുട്ടന്‍ നായരെ(61)യെയാണ് എക്‌സൈസ് സംഘം പിടികൂടിയത്.
വീടിനു സമീപം ഇയാള്‍ നടത്തുന്ന കൃഷിത്തോട്ടത്തില്‍ നിന്നാണ് പിടിക്കപ്പെട്ടത്. എക്‌സൈസ് ഇന്റലിജന്‍സ് വിഭാഗം നല്‍കിയ വിവരത്തെ തുടര്‍ന്ന് മലപ്പുറം നാര്‍ക്കോട്ടിക്ക് സ്‌പെഷ്യല്‍ സ്‌ക്വാഡ് നടത്തിയ പരിശോധനയിലാണ് പ്രതി പിടിയിലായത്.
ഇയാളില്‍ നിന്ന് 50 ഗ്രാം കഞ്ചാവും പിടികൂടിയിട്ടുണ്ടണ്ട്. കൃഷിയിടത്തിന്റെ മറവിലാണ് കഞ്ചാവ് വില്‍പ്പന.
സ്ഥിരമായി കഞ്ചാവ് വില്‍പ്പന നടത്തുന്നുണ്ടെന്ന പരാതി ലഭിച്ചതിനെ തുടര്‍ന്ന് മഫ്തിയിലെത്തിയ എക്‌സൈസ് സംഘമാണ് ഇയാളെ പിടികൂടിയത്‌