ദുബൈ: എസ്.കെ.എസ്.എസ്.എഫ് യു.എ.ഇ പാലക്കാട് ജില്ലാ കോ-ഓര്‍ഡിനേഷന്‍ കമ്മിറ്റി സി.കെ.എം സ്വാദിഖ് മുസ്‌ലിയാര്‍ അനുസ്മരണ-പ്രാര്‍ഥനാ സദസ് ഓണ്‍ലൈനിലൂടെ സംഘടിപ്പിച്ചു. പരിപാടിയില്‍ ജില്ലയിലെ ഒരു മുഅല്ലിമിന് ഉസ്താദിന്റെ സ്മരണാര്‍ഥം വീട് നിര്‍മിക്കാനുള്ള പദ്ധതി പാണക്കാട് സയ്യിദ് ഹമീദലി ശിഹാബ് തങ്ങള്‍ പ്രഖ്യാപിച്ചു. മുസ്തഫ മൗലവി പ്രാര്‍ഥന നിര്‍വഹിച്ചു.
ദുബൈ എസ്.കെ.എസ്.എസ്.എഫ് പ്രസിഡന്റ് മുസ്തഫ മൗലവിയുടെ അധ്യക്ഷനായി. സയ്യിദ് ഹമീദ് അലി ശിഹാബ് തങ്ങള്‍ പാണക്കാട് ഉദ്ഘാടനം ചെയ്തു. അനുസ്മരണ പ്രഭാഷണം ജി.എം സ്വലാഹുദ്ദീന്‍ ഫൈസി വല്ലപ്പുഴയും ദുആ മജ്‌ലിസിന് സയ്യിദ് അബ്ദുല്‍ റഹ്മാന്‍ മുത്തുക്കോയ തങ്ങള്‍ വല്ലപ്പുഴയും നേതൃത്വം നല്‍കി. അജ്മാന്‍ എസ്.കെ.എസ്.എസ്.എഫ് പാലക്കാട് ജില്ലാ പ്രസിഡന്റ് നൗഷാദലി ബദ്‌രി ഖിറാഅത്ത് നിര്‍വഹിച്ചു. എസ്.കെ.എസ്.എസ്.എഫ് സംസ്ഥാന ജനറല്‍ സെക്രട്ടറി സത്താര്‍ പന്തല്ലൂര്‍, അബ്ദുല്‍ ജലീല്‍ ഹാജി ദുബൈ, ഷൗക്കത്തലി ഹുദവി, സിദ്ദീഖ് വാഫി ഫുജൈറ സംസാരിച്ചു. എസ്.കെ.എസ്.എസ്.എഫ് അബൂദബി പാലക്കാട് ജില്ലാ പ്രസിഡന്റ് സ്വാലിഹ് വാഫി സ്വാഗതവും ഷാര്‍ജ പാലക്കാട് ജില്ലാ പ്രസിഡന്റ് അഡ്വ. ഫൈസല്‍ ഹുദവി പഴയലെക്കിടി നന്ദിയും പറഞ്ഞു.