പത്തനംതിട്ട: ശബരിമല ക്ഷേത്രത്തില്‍ ഇന്ന് ഭക്തര്‍ക്കായി വിഷുക്കണി ദര്‍ശനം ഉണ്ടാകും. പുലര്‍ച്ചെ മൂന്ന് മുതല്‍ വിഷുക്കണി ദര്‍ശനം നടക്കും.
രാവിലെ ഏഴുവരെയാണ് കണിദര്‍ശനം അനുവദിച്ചിട്ടുള്ളത്. അയ്യപ്പഭക്തന്മാര്‍ക്ക് തന്ത്രിയും മേല്‍ശാന്തിയും വിഷുക്കൈനീട്ടം നല്‍കും.
തിരക്ക് നിയന്ത്രിക്കാന്‍ പത്തനംതിട്ട എസ്.പിയുടെ നേതൃത്വത്തില്‍ അഞ്ഞൂറോളം പൊലിസുകാരെ നിയോഗിച്ചിട്ടുണ്ട്. തിരക്ക് കണക്കിലെടുത്ത് കെ.എസ്.ആര്‍.ടി.സിയും വിവിധ ഡിപ്പോകളില്‍ നിന്നായി ബസുകളും എത്തിച്ചിട്ടുണ്ട്. പമ്പാ നദിയിലെ ജലനിരപ്പ് ഉയര്‍ത്താനുള്ള ക്രമീകരണങ്ങളും ചെയ്തു കഴിഞ്ഞതായി ദേവസ്വം ബോര്‍ഡ് അധികൃതര്‍ അറിയിച്ചു.
വിഷു ആഘോഷത്തിനു ശേഷം 18ന് നട അടയ്ക്കും.