കോട്ടയം: സംസ്ഥാനത്ത് കൊവിഡ് ബാധിച്ച് ഒരാള്‍ കൂടി മരിച്ചു, തിരുവല്ല സ്വദേശി ജോഷിയാണ് മരിച്ചത്, കോട്ടയം മെഡിക്കല്‍ കോളജില്‍ ചികിത്സയിലായിരുന്നു. 65 വയസ്സായിരുന്നു. ഇതോടെ സംസ്ഥാനത്ത് കൊവിഡ് 19 മരണം എട്ടായി.

ഈ മാസം 11 ന് അബൂദാബിയില്‍ നിന്ന് നാട്ടിലെത്തിയതായിരുന്നു ജോഷി. ആദ്യം പത്തനംതിട്ട ജില്ലാ ആശുപത്രിയിലാണ് ഇദ്ദേഹം ചികിത്സ തേടിയത്. ആരോഗ്യസ്ഥിതി മോശമായതിനെ തുടര്‍ന്ന് 27 ന് കോട്ടയം മെഡിക്കല്‍ കോളേജില്‍ പ്രവേശിപ്പിക്കുകയായിരുന്നു. കടുത്ത പ്രമേഹ രോഗ ബാധിതനായിരുന്നു.

കൊവിഡ് പ്രോട്ടോക്കോള്‍ അനുസരിച്ചുള്ള നടപടിക്രമങ്ങള്‍ പാലിച്ചായിരിക്കും സംസ്‌കാരം നടത്തുക.

തിരുവല്ല സ്വദേശിയായതിനാല്‍ പത്തനംതിട്ട ജില്ലയിലാണ് ഇദ്ദേഹം ഉള്‍പ്പെടുന്നത്. അതുകൊണ്ടുതന്നെ ഈ മരണം പത്തനംതിട്ടയിലാണ് പെടുക. ഇന്നലെ ആറുപേര്‍ക്കാണ് പത്തനംതിട്ട ജില്ലയില്‍ കൊവിഡ് സ്ഥിരീകരിച്ചത്. ജില്ലയില്‍ മൊത്തം ചികിത്സയിലുള്ളത് 22 പേരാണ്.