തെഹ്‌റാന്‍ : ഇറാനില്‍ ശക്തമായ മഴയെ തുടര്‍ന്നുണ്ടായ വെള്ളപ്പൊക്കത്തില്‍ 25 പേര്‍ കൊല്ലപെട്ടു. 16 പേരെ കാണാതായതായി സ്ഥിരീകരിക്കുകയും ചെയ്തതായി ഇറാന്‍ ദേശീയ മാധ്യമം റിപ്പോര്‍ട്ട് ചെയ്തു.

ഇറാന്റെ വടക്ക് പടിഞ്ഞാറന്‍ മേഖലയിലാണ് ശക്തമായ വെള്ളപ്പൊക്കം ഉണ്ടായത്. വെള്ളിയാഴ്ച മുതല്‍ ശക്തമായ മഴയാണ് പ്രദേശത്ത് ഉണ്ടായത്. മേഖലയിലെ നാല് പ്രവിശ്യകളെയാണ് വെള്ളപ്പൊക്കം ബാധിച്ചതെന്നു ഇറാന്‍ അത്യാഹിത വിഭാഗം തലവന്‍ മേജര്‍ ഇസ്മാഈല്‍ നജര്‍ വാര്‍ത്താ ഏജന്‍സിയോട് പറഞ്ഞു. ആള്‍നാശം കൂടാതെ പ്രദേശത്തെ നിരവധി വാഹനങ്ങളും വീടുകളും വെള്ളപ്പൊക്കത്തില്‍ നാശനഷ്ടം നേരിട്ടിട്ടുണ്ട്.