കോഴിക്കോട്: വടകരയില്‍ കെ. മുരളീധരനെ സാധാരണ യു.ഡി.എഫ് സ്ഥാനാര്‍ഥിയായാണ് കാണുന്നതെന്നും ഭയമില്ലെന്നും സി.പി.എം. മുരളീധരന് തോറ്റു പരിചയമുള്ളത് കൊണ്ട് പ്രശ്‌നമില്ലെന്നും സി.പി.എം കേന്ദ്ര കമ്മിറ്റിയംഗം എളമരം കരീം മാധ്യമങ്ങളോട് പറഞ്ഞു.
അക്രമ രാഷ്ട്രീയത്തിനെതിരേയാണ് തന്റെ സ്ഥാനാര്‍ഥിത്വം എന്ന് മുരളീധരന്‍ പറഞ്ഞിട്ടുണ്ടല്ലോ എന്ന ചോദ്യത്തിന്, അദ്ദേഹം ഉദ്ദേശിച്ചത് കോണ്‍ഗ്രസ് നേതാവ് കെ.സുധാകരനെ ആയിരിക്കുമെന്നായിരുന്നു മറുപടി.